Ausstellung
We have seen...
 

 

Catch a Smile huet eng Wanderausstellung. Et ass en Temoignage vun engem Joer aktiver Flüchtlingshëllef un de Grenze vun Europa. 

 

An iwwert 100 Fotoe weise mir, wat eis Volontairë gesinn respektiv erlieft hunn, dëst am Balkan (Serbien, Kroatien, Slowenien), zu Grande-Synthe a Frankräich an a Griicheland (Insel Chios, Idomeni, Athen an Thessaloniki).

 

Et sinn dacks Momentopnamen, déi net all op den éischte Bléck vill aussoen, mee op den zweete Bléck an am Kontext fir sech schwätzen. Gewise ginn awer och méi perséinlech Fotoen, ënnert “special Moments“ weise mir Biller mat Mënschen, déi mir op eisen Asätz kennegeléiert an ëmmer erëm besicht hunn.

Doniewt sinn awer och eng Rei perséinlech Wierder ze liesen, déi Volontäre geschriwwen hunn, dëst dacks no engem Asaz fir d'Erliefnisser ze verschaffen.

 

Bei Intressi oder fir weider Informatioune kënnt Dir Iech gär

iwwer Email (info@catchasmile.org) mellen.